Barbra Streisand

Barbara Joan 'Barbra' Streyzand (1942-yil, 24-aprelda tug‘ilgan) – amerikalik qo‘shiqchi, aktrisa va rejissyor. Olti o‘n yillikni o‘z ichiga olgan faoliyati davomida u san’atning turli jabhalarida katta yutuqlarga erishdi va "Emmi", "Gremmi", "Oskar" hamda "Toni" (EGOT) mukofotlarini qo‘lga kiritgan sanoqli san’atkorlardan biri hisoblanadi. Dunyo bo‘ylab 150 milliondan ortiq albomi sotilgan xonanda barcha davrlarning eng ko‘p sotilgan san’atkorlaridan biri hisoblanadi. Uning hisobida ikki "Oskar", 10 ta "Gremmi", beshta "Emmi", to‘rtta "Pibodi" mukofoti, Prezidentning ozodlik medali va to‘qqizta "Oltin globus" bor. Faoliyatini 1960-yillar boshida tungi klublar va Brodvey teatrlarida boshlagan.