Barış Atay

Barış Atay 1981-yil 22-sentabrda Germaniyada tug‘ilgan. Tug‘ilganidan ko‘p o‘tmay, oilasi bilan Turkiyaga ko‘chib o‘tib, 1999-yilgacha Antakyada yashagan. 1999-yilda Adanaga ko‘chib o‘tib, Chukurova universitetining Biologiya fakultetida o‘qishni boshlagan. Oxirgi kursda o‘qishni tashlab, Istanbulga yo‘l olgan va Yeditepe universiteti Teatr fakultetiga kirgan. 2004-yilda ushbu universitetni bitirgan. 2011-yilda Kadir Has universitetida Kino-TV yo‘nalishi bo‘yicha magistrlik darajasini olgan. Uning ilk to‘liq metrajli filmi “Eksik”, ikkinchisi esa “Aden” hisoblanadi. U teatr va kino sohasidagi faoliyatini davom ettirmoqda.