Barış Arduç

Turk aktyori Barış Arduç 1987-yil 9-oktyabrda Shveytsariyada tug‘ilgan. Otasi Erol Arduç va onasi Gülay Arduç. Uning otasi tomonidan ajdodlari alban muhojirlari, onasi esa Artvin shahridan. Sakkiz yoshida oilasi bilan Turkiyaga ko‘chib kelgan. 2005-yilda o‘rta maktabni tamomlagach, Kayseri Erciyes universiteti sport akademiyasiga o‘qishga kirish uchun grant yutib olgan. Sportga bo‘lgan qiziqishi sababli shu sohani tanlagan bo‘lsa-da, akademiyadagi o‘qishini bir yildan so‘ng to‘xtatgan. Keyinchalik san’atga qiziqib, konservatoriyada aktyorlik mahorati saboqlarini olgan. Ingliz tilini mukammal o‘rgangan. Aktyorlik faoliyatini teleseriallarda boshlagan. 2007-2009-yillarda Istanbulda aktyorlik kurslarida tahsil olgan va Sadri Family teatrida ta’limini yakunlagan.