B.J. Novak

Benjamin Joseph Manaly Novak (1979-yil, 31-iyulda tug‘ilgan) — amerikalik aktyor, komik, ssenariy muallifi, yozuvchi va prodyuser. U 2000-yillarning boshida komik sifatida tanilgan, keyinchalik MTV kanalining «Punk'd» shousida ishtirok etgan. Aktyorga eng katta muvaffaqiyatni NBC telekanalining «The Office» (2005-2013) serialidagi Rayan Xovard roli olib kelgan. Ushbu serialdagi ijodi, ssenariylari va prodyuserlik ishlari uchun u ikki bor «Screen Actors Guild Awards» va «Writers Guild of America Award» mukofotlarini qo‘lga kiritgan. U shuningdek «Reign Over Me» (2007), «Inglourious Basterds» (2009), «Saving Mr. Banks» (2013) va «The Founder» (2016) kabi filmlarda suratga tushgan. 2022-yilda «Vengeance» filmi bilan rejissyorlik debyutini amalga oshirgan. Novak «One More Thing: Stories and Other Stories» hamda «The Book with No Pictures» kitoblari muallifi hamdir.