Azean Irdawaty

Azean Irdawaty (1950–2013) — malayziyalik qo'shiqchi va aktrisa. 1970-yillar boshida estrada xonandasi sifatida tanilgan bo'lsa, 70-yillar oxiri va 80-yillar boshida kinodagi rollari bilan katta shuhrat qozongan. Alor Setar shahrida tug'ilgan aktrisani yaqinlari "Kak Yan" deb atashgan. Aktyorlik faoliyatini Jins Shamsuddinning "Di-Belakang Tabir" filmi bilan boshlagan. U "Esok Masih Ada" (1980) hamda "Langit Petang" (1982) filmlaridagi rollari uchun Malayziya kinofestivalida (FFM) ikki bor "Eng yaxshi ayol roli" mukofotini qo'lga kiritgan. Xonanda sifatida esa 80-yillarda ommalashgan "Bawalah Daku Bersamamu" qo'shig'i bilan tanilgan. Ijodiy faoliyati davomida "Mama oh Mama", "Perempuan", "Bintang Malam", "Sutera Putih", "Baginda", "Layar Lara" va "Waris Jari Hantu" kabi filmlarda, shuningdek, ko'plab teleloyihalarda suratga tushgan. Uning eng yorqin ijrolaridan biri Shuhaimi Babaning "Layar Lara" filmidagi Zai xola obrazidir. Shuningdek, 2008-yilda "Waris Jari Hantu" filmidagi Tok Van roli uchun FMM mukofotiga sazovor bo'lgan. So'nggi roli Yasmin Ahmadning "Talentime" filmida bo'lgan. 2013-yil 17-dekabrda Malayziya universiteti tibbiyot markazida vafot etgan.