Ayza Vagapova

Aiza Xamzatovna Vagapova (taxalluslari: Aiza-Liluna Xamzatovna Ai, Aiza Anoxina) — mashhur goʻzallik blogeri, ijtimoiy tarmoq yulduzi va qoʻshiqchi. U Instagram va Twitterʼda moda hamda stilga bagʻishlangan sahifalarni yuritadi va koʻplab obunachilarga ega. Biroq keng jamoatchilikka u internet-stilist sifatida emas, balki mashhur rap ijrochisi Gufning sobiq rafiqasi sifatida yaxshi tanish. Aiza Anoxina (qizlik familiyasi Vagapova) Grozniy shahrida tugʻilgan. Uning millati borasida turli bahslar mavjud boʻlsa-da, koʻplab manbalar uning chechen qizi ekanligini tasdiqlaydi. Bolaligida ota-onasi bilan birga Moskvaga koʻchib kelgan va oʻsha yerda ta'lim olgan. Maktabni tamomlagach, Moskva shahar tibbiyot bilim yurtida, soʻngra Moskva davlat lingvistik universitetining Iqtisodiyot va huquq fakultetida oʻqigan. 2013-yilda Muz-TV telekanalining "Neformat chart" myuzikl dasturiga boshlovchilik qilgan. 2017-yilda oʻzining "Boeing" nomli ilk qoʻshigʻini taqdim etdi. 2018-yilda "Pyatnitsa!" telekanalining "Golos ulis" musiqa tanlovi hakamlar hay'ati tarkibiga qoʻshildi. Oʻsha yili 5 ta trekdan iborat boʻlgan "The Monkey" nomli debyut albomini chiqarib (iTunes chartida 4-oʻrinni egallagan), "Famalam" va "I HZ TP" qoʻshiqlarini yozib oldi (GooglePlay chartida 4-oʻrin). 2019-yilda xonanda "Portman" singlini taqdim etdi va oʻsha yili nufuzli TEFI mukofotiga nomzod boʻlgan "Ya – mama" realiti-shousining boshlovchisiga aylandi.