Ayesha Curry

Ayesha Disa Curry (qizlik familiyasi Alexander; 1989-yil 23-martda tug'ilgan) — kanadalik va amerikalik aktrisa, oshpaz, pazandachilik kitoblari muallifi hamda teleboshlovchi. Bir qator teleshou va filmlarda epizodik rollarni o'ynaganidan so'ng, u Food Network telekanalida «Ayesha's Homemade» (boshqa nomi «Ayesha's Home Kitchen») nomli shaxsiy ko'rsatuvini olib bora boshladi. Professional oshpazlik ma'lumotiga ega bo'lmasa-da, uning bu sohadagi faoliyati 2014-yilda o'zining YouTube'dagi Little Lights of Mine kanaliga birinchi taom tayyorlash videosini yuklashdan boshlangan. U ushbu kanalda ko'plab videolavhalar chiqardi va 2016-yilda «The Seasoned Life» nomli oshpazlik kitobini nashr ettirdi.