Ashanti

Ashanti Shequoiya Douglas (1980-yil, 13-oktabr) – amerikalik xonanda, prodyuser va aktrisa. U 2000-yillar boshida shuhrat qozongan. Xonandaning o'z nomi bilan atalgan ilk albomi hamda "Foolish" xiti katta muvaffaqiyat keltirdi: albom 2002-yilning aprelida AQSHda birinchi haftaning o'zidayoq 503 000 nusxada sotilgan. Bu natija bilan u Alicia Keys va Lauryn Hill kabi yangi ayol ijodkorlar rekordini yangiladi. Xuddi shu haftada Ashanti "Foolish" va "What's Luv?" qo'shiqlari bilan Billboard Hot 100 chartining dastlabki ikki pog'onasini bir vaqtda egallagan ilk ayol ijodkorga aylandi. Shuningdek, u "Foolish", "What's Luv?" va "Always on Time" qo'shiqlari bilan chartning kuchli o'ntaligidan bir haftada uchta o'rinni band etgan birinchi ayol san'atkor hisoblanadi (The Beatles'dan keyingi ikkinchi natija). 2003-yilda ushbu albomi uchun u "Eng yaxshi zamonaviy R&B albomi" yo'nalishida Grammy mukofotini qo'lga kiritgan. 2008-yilga kelib, uning butun dunyo bo'ylab sotilgan albomlari soni 27 milliondan oshdi. U 2000–2009-yillar yakuniga ko'ra, Alicia Keys va Beyonce Knowles'dan keyin uchinchi eng muvaffaqiyatli R&B ijodkor deb topildi. 2010-yil holatiga ko'ra, u 1990-yildan beri eng ko'p sotilgan 20 ta musiqa singli ro'yxatida 17-o'rinni egallab turibdi.