Asel Sagatova

Asel Sagatova — qozog'istonlik aktrisa va model. U 1985-yil 5-mayda Semipalatinsk shahrida tug'ilgan. Bolaligida Olmaota shahrida yashagan. Ota-onasi uning san'atga bo'lgan qobiliyatini payqab, xoreografiyaga ixtisoslashgan rus maktabiga berishgan. Raqs bilan shug'ullanishiga qarammay, Asel matematikaga qiziqib, o'qishda yuqori natijalarga erishgan. 14 yoshida modellik agentligidan taklif olib, reklama sohasida ishlay boshlagan. Shuningdek, go'zallik tanlovlarida qatnashgan. Talabalik davridayoq Sagatova eng talabgir modellardan biriga aylangan. Al-Foforiy nomidagi Qozog'iston Milliy universitetining xalqaro munosabatlar fakultetini tamomlab, keyinchalik magistraturani imtiyozli diplom bilan bitirgan. Qozog'iston televideniyesida boshlovchi sifatida faoliyat yuritib, "Zolotaya Podkova", "Narodnaya Lotereya" va boshqa dasturlarni olib borgan. U kino olamidagi debyutini 2004-yilda "Mankurt haqida ona faryodi" filmida amalga oshirgan. Shuningdek, u "Muhabbat afsonasi" ("Irony of Love"), "Reketir", "Rayonlar" ("Districts") va boshqa filmlarda bosh rollarni ijro etgan. Aktyorlik mahoratini yanada oshirish uchun Los-Anjelesdagi aktyorlik kurslarida o'qigan.