Ari Telch

Ari Telch (1962-yil 7-mayda tug'ilgan) — asosan telenovellalar va teatr sahna asarlaridagi rollari bilan tanilgan meksikalik mukofotlar sovrindori bo'lgan aktyor. Ari Telch Benforado yahudiy oilasida tug'ilgan bo'lib, aktyorlik faoliyatini Manolo Fabregas rahbarligida «El violinista en el tejado» (Skripkachi tom ustida) spektaklida yahudiy bola roli bilan boshlagan. Uning keyingi ishi 1983-yilda kelib chiqishi yahudiy bo'lgan Sabina Berman prodyuserligidagi «Yankee» sahna asari bo'ldi. 1986 yilda Barnum va Beyli sirkining asoschilaridan biriga bag'ishlangan «Barnum» spektaklida u ikki metrlik bir g'ildirakli velosipedda (monotsikl) harakatlangan. 1988 yilda Luis Eduardo Reyes tomonidan yozilgan va Milliy teatr mukofotiga sazovor bo'lgan «Interés social» pyesasida rol o'ynagan. Bir yil o'tgach, Anxelika Aragon bilan birgalikda Sem Shepardning «Loco amor» («Telba muhabbat») spektaklida qatnashgan.