Aras Bulut İynemli

Aras Bulut İynemli — turkiyalik aktyor. Faoliyatini boshlaganidan buyon ko'plab mukofotlarga sazovor bo'lgan. U "Oyle Bir Gecer Zaman ki", "Muhtesem Yuzyil", "Maral", "Icerde" va "Cukur" kabi seriallardagi rollari bilan katta shuhrat qozongan. Aktyor Orçun İynemli va teleboshlovchi Yeşim İynemli uning akasi va opasi hisoblanadi. Miray Daner uning amakivachchasi, Cengiz va İlhan Danerlar esa amakilaridir. Bir nechta reklama roliklarida suratga tushgach, 2010-yilda xalqaro muvaffaqiyat qozongan "Oyle Bir Gecer Zaman ki" dramasiga qabul qilingan. Bungacha u "Back Street" dramasida ishtirok etgan, ammo aviatsiya muhandisligi bo'yicha o'qishini tamomlash uchun tanaffus qilgan. Istanbul texnika universitetida tahsil olgan. 2011-yilda 20 yoshida Antaliya televideniye mukofotida "Eng yaxshi ikkinchi darajali aktyor" unvonini olgan. 2013-yilda "Mahmut and Meryem" filmida va "Muhtesem Yuzyil"da Shahzoda Boyazid rolini ijro etgan. 2015-yilda "Maral: En Guzel Hikayem" serialida bosh rolni ijro etgan.