Annet Mahendru

Annet Maxendru (1989-yil 21-avgustda tug‘ilgan) — amerikalik aktrisa. U 2013-yilgi "The Americans" serialida Nina Sergeyevna Krilova hamda 2020-yilgi "The Walking Dead: World Beyond" serialida Jennifer "Hak" Mallik rollarini ijro etgani bilan mashhur. Maxendru Afg‘onistonda rus ona va hind millatiga mansub ota oilasida tug‘ilgan. U o‘zining bolaligini "sayoq" hayot deb ta’riflaydi: dastlabki yetti yilini Afg‘oniston va Sankt-Peterburg o‘rtasida o‘tkazgan. Ota-onasi ajrashgach, 13 yoshida otasi bilan Nyu-Yorkka ko‘chib o‘tgan. Hozirda aktrisa avstraliyalik kinorejissyor Lui Gibson bilan turmush qurgan, bir o‘g‘li bor. Ingliz tilidan tashqari, u nemis, rus va fors tillarida erkin so‘zlashadi, shuningdek, fransuz va hind tillarini ham biladi.