Anna Magnani

Anna Manyani (1908-yil 7-mart – 1973-yil 26-sentabr) — italyan teatr va kino aktrisasi. U «The Rose Tattoo» filmida sitsiliyalik beva ayol obrazini yaratib, «Oskar» mukofoti va boshqa to'rtta xalqaro mukofotni qo'lga kiritgan. Rimda tug'ilgan aktrisa sahna san'ati akademiyasida o'qib yurgan kezlari tungi klublarda qo'shiq aytgan. U italyan kinosida «La Lupa» (bo'ri) laqabi bilan atalib, «o'tli» shaxsiyati va «vulqonsimon» aktyorlik mahorati bilan tanilgan. Rejissyor Roberto Rossellini uni Eleonora Duzedan keyingi eng buyuk aktyorlik dahosi deb atagan. Dramaturg Tennessi Uilyams aynan Manyani uchun «The Rose Tattoo» asarini yozgan. Aktrisa 1934-yilda «La cieca di Sorrento» filmida debyut qilgan, keyinchalik esa neorealizm janrining boshlanishi hisoblangan «Rome, Open City» (1945) filmi orqali xalqaro miqyosda shuhrat qozongan.