Anna Jobling

Anna Ellisa Gustin Jobling Abdul Rahman (2000-yil 14-avgustda tug‘ilgan), Anna Jobling nomi bilan tanilgan — malayziyalik-britaniyalik model, aktrisa va teleboshlovchi. U “Dewi Remaja 2018/2019” tanlovida to‘rtinchi o‘rinni egallagan. Anna model sifatidagi faoliyatini 15 yoshida Amber Chia akademiyasida boshlagan, turli go‘zallik tanlovlarida ishtirok etgan. Aktyorlik debyutini Adrian Tehning “Pasal Kau!” filmida qilgan. U “Shah Alam 40000” va “Keluarga Baha Don” kabi seriallarda suratga tushgan, ammo eng katta shuhratni “Melur Untuk Firdaus” dramasidagi roli orqali qozongan. TV3 telekanalida efirga uzatilgan “Shah Alam 40000” dramasidagi Shafinaz Makkenzi roli uchun u malay tilida ravon gapirishni o‘rgangan.