Angela Kinsey

Angela Faye Kinsey (1971-yil 25-iyunda tugʻilgan) — amerikalik aktrisa. U koʻproq "The Office" (2005–2013) sitkomidagi Anjela Martin roli bilan tanilgan. Shuningdek, "Your Family or Mine" (2015) va "Haters Back Off" (2016–2017) seriallarida suratga tushgan. "The Office"dan soʻng u Netflix'ning "Tall Girl", Disney+'ning "Be Our Chef" hamda "A.P. Bio" loyihalarida ishtirok etgan. Kinsey Luiziana shtatining Lafayet shahrida tugʻilgan. Ikki yoshida oilasi otasining ish faoliyati sabab Indoneziyaning Jakarta shahriga koʻchib oʻtgan va u yerda 12 yil yashagan. Jakarta xalqaro maktabida oʻqib yurgan kezlarida indonez tilini oʻrgangan. Keyinchalik oilasi AQSHga qaytib, Texas shtatidagi Archer Siti shahriga joylashgan.