Andy On Chi-Kit

Andy On Chi-Kit (kantoncha: 安志傑, 1977-yil 19-mayda AQShning Rod-Aylend shtati Providens shahrida tug'ilgan) — xitoy-amerikalik aktyor va jang san'ati ustasi. Uning asl ismi Andy Tien bo'lib, bolaligida Jeki Changa havas qilgan va hovlisida salto oshib, jang san'atini sinab ko'rardi. Barmen bo'lib ishlab yurganida kimdir unga kino sohasida o'zini sinab ko'rish uchun Gonkongga borishni maslahat beradi. U o'sha yoqqa yo'l oladi va uni Charles Heung hamda Tsui Hark kashf etib, bosh rolni berishadi va unga "On Chi-Kit" degan yangi nom berishadi. Andy Black Mask 2: City of Masks filmida bosh rolni ijro etadi. Rolga tayyorgarlik ko'rish uchun u Sholin ibodatxonasiga borib, bir oy davomida ushu bo'lib shug'ullanadi. Andy do'sti va hamkasbi Philip Ng rahbarligida kikboksing va Wing Chun Kung Fu bilan shug'ullanib keladi. U Zombie Fight Club filmini suratga olish jarayonida tanishgan Jessica Cambensy bilan turmush qurgan. Ularning Tessa ismli qizi va Elvis ismli o'g'li bor.