Andrew Lincoln

Endryu Linkoln (tug‘ilgan paytdagi ismi Endryu Jeyms Klatterbak; 1973-yil 14-sentyabr) — ingliz aktyori. Uning ilk yirik roli BBC telekanalining "This Life" (1996–1997) dramasidagi Egg qahramoni bo‘lgan. Keyinchalik Linkoln Channel 4 telekanalining "Teachers" (2001–2003) sitkomida Saymon Kesi, Rojdestvo mavzusidagi "Love Actually" (2003) romantik komediyasida Mark hamda ITV telekanalining "Afterlife" (2005–2006) serialida doktor Robert Brij rollarini o‘ynagan. 2010yildan boshlab Linkoln AMC kanalining post-apokaliptik qo‘rqinchli xit seriali bo‘lgan "The Walking Dead"da bosh qahramon Rik Grimes rolini ijro etib, xalqaro miqyosda shuhrat qozondi. Ushbu roli uchun u 2015 va 2017-yillarda "Saturn" mukofotining "Televideniyedagi eng yaxshi aktyor" sovrinini qo‘lga kiritdi. U 2018-yilda "The Walking Dead" loyihasini tark etgan edi, biroq 2024-yilda serialning spin-offi bo‘lgan "The Walking Dead: The Ones Who Live" loyihasida Rik rolini yana gavdalantirdi.