Andrei Zayats

Andrei Zayats Rossiyaning Rostov-na-Donu shahrida tug'ilgan. Keyinchalik oilasi bilan Latviyaga ko'chib o'tib, Yevropa Ittifoqi fuqaroligini olgan. Fransiyada besh yil yashab ta'lim olgach, Buyuk Britaniyaga ko'chib o'tgan va 2008-yilda Birmingem aktyorlik maktabini tamomlagan. Hozirda Londonda istiqomat qiladi. Rus, ingliz, latish va fransuz tillarini mukammal biladigan aktyor kino, teatr va televideniyeda faoliyat yuritadi. U "Madame Solario" fransuz dramasida Kovanski rolini, "X-Men: First Class" filmida rus askarini hamda BBC'ning "Dani's House" serialida shaxmat bo'yicha chempion Viktor Viktorious obrazini gavdalantirgan. Shuningdek, u sahna janglari bo'yicha malakali o'qituvchi hisoblanadi.