Andrea Bocelli

Andrea Bocelli 1958-yil 22-sentyabrda Italiyaning Piza provinsiyasidagi Lajatiko shahrida tug‘ilgan. Tug‘ma glaukoma bilan dunyoga kelgan bo‘lsa-da, 12 yoshida futbol o‘ynash vaqtida sodir bo‘lgan baxtsiz hodisa natijasida ko‘rish qobiliyatini butunlay yo‘qotgan. U Toskanadagi oilaviy uzumzor fermasida voyaga yetgan. San’atga bo‘lgan ishtiyoqi tufayli fortepiano, fleyta va saksafonda chalishni o‘rgangan, Piza universitetida huquqshunoslik bo‘yicha tahsil olib, doktorlik darajasini olgan. Bir muddat sud himoyachisi bo‘lib ishlagan, so‘ngra tenor Franko Korelli bilan bog‘lanib, uning shogirdi bo‘lgan. Dastlabki davrlarda darslar haqini to‘lash uchun bar va tungi klublarda qo‘shiq kuylagan. Keyinchalik Enrika bilan turmush qurib, Amos va Matteo ismli o‘g‘illarini tarbiyalagan. 1992-yilda rok yulduzi Zukkero Bono (U2) yozgan "Miserere" qo‘shig‘i uchun tenorlarni tinglovdan o‘tkazadi. Dastlab Pavarottini jalb qilmoqchi bo‘lsa-da, tanlov Andrea Bocelli foydasiga hal bo‘ladi. Yozuvni eshitgan Pavarotti uning mahoratiga qoyil qolib, duetni birga ijro etishadi va bu ulkan muvaffaqiyat keltiradi. Shundan so‘ng, Zukkero o‘zining Yevropa bo‘ylab gastrollariga Andreani ham taklif qiladi.