Anahí

Anahí Jovanna Puente Portilla (1983-yil 14-may), sahnada Anahí nomi bilan tanilgan, meksikalik xonanda, qo'shiqnavis va aktrisa. U aktyorlik faoliyatini 1986-yilda "Chiquilladas" loyihasi bilan boshlagan. Televisa studiyasida suratga olingan "Alondra" (1995), "Vivo por Elena" (1998), "El Diario de Daniela" (1998) va "Mujeres Engañadas" (1999) kabi ko'plab muvaffaqiyatli telenovellalarda suratga tushgan. Pedro Damian prodyuserlik qilgan "Primer Amor... A Mil por Hora" (2000) seriali aktrisaning ilk bosh roli bo'ldi. 2003-yilda "Clase 406" serialida ishtirok etgan. Anahí 2004-yilda "Rebelde" serialidagi roli hamda dunyo bo'ylab 15 milliondan ortiq nusxada sotilgan va ikki karra "Latin Grammy" mukofotiga nomzod bo'lgan RBD guruhi tarkibida xalqaro shuhrat qozongan. 2011-yilda u o'zining so'nggi telenovellasi bo'lgan "Dos Hogares"da suratga tushgan.