Ana María Orozco

Ana Maria Orozco Aristizabal 1973-yil 4-iyulda Kolumbiyaning Bogota shahrida tug‘ilgan. U taniqli kolumbiyalik aktyor Luis Fernando Orozco hamda radioboshlovchi Carmenza Aristizabalning farzandi. Uning ikki singlisi bor: Veronika — aktrisa, Juliana esa zamonaviy tillar bo‘yicha mutaxassis, biroq u shou-biznesdan yiroq bo‘lishni tanlagan. Aktrisa bolalikdan san'atga qiziqqan; bo‘sh vaqtlarida rasm chizish, konkida uchish, kitob o‘qish va kinoga borishni xush ko‘radi. Otasining 35 yillik ijodiy yo‘li tufayli televideniye dunyosi Ana Mariyaning hayotiga hamisha yaqin bo‘lgan. Uning eng esda qolarli rollaridan biri “Perro Amor” teleserialidagi Vera obrazi bo‘lib, bu roli uchun Simon Bolivar nomidagi eng yaxshi ikkinchi darajali aktrisa hamda Shock mukofotlarini qo‘lga kiritgan. Ana Mariya butun dunyoga mashhur “Yo soy Betty, la fea” kolumbiyalik teleserialidagi Betti obrazi orqali katta shuhrat qozondi. Ushbu obrazdagi aqlli, ammo tashqi ko‘rinishi bilan unchalik ajralib turmaydigan, g‘alati qiz betakror ijro etilgani bois tomoshabinlar mehri va e'tiborini qozondi.