Amina Annabi

Amina musiqiy oilada tug'ilgan. Otasi tunislik, onasi esa fransuz. Uning buvisi musiqachi bo'lgan, amakilaridan biri Tunisdagi Tabarka festivalini tashkil etishda ishtirok etgan. Shu bois Amina yoshligidan Joan Baez, Jeyms Braun va jazoirlik mashhur diva Varda kabi yulduzlarning konsertlarida qatnashish imkoniga ega bo'lgan. Aynan shu festivalda u yosh senegallik yulduz Vasiss Diop bilan tanishgan va keyinchalik hamkorlik qilgan. 1975-yilda Amina va onasi Parijga ko'chib o'tishgan. Uch yildan so'ng, qo'shiq va raqs sohasidagi mahoratini namoyish etib, o'z guruhini tuzgan. 1982-yilda yakkaxon faoliyatini boshlagan. O'sha davrda Parijning mashhur «Radio Nova» radiostansiyasi bilan hamkorlik qilgan. 1983-yilda arab ritmlari ta'sirida yaratilgan «Sheherazade» rep qo'shig'i bilan musiqa tanlovida g'olib chiqdi va kompozitsiya CD singl sifatida chiqarildi.