Amanda Lear

Amanda Lear (tug‘ilgandagi familiyasi Tapp, 1939 yoki 1946-yil 18-noyabrda Britaniya Gonkongida tug‘ilgan) — fransuz xonandasi, shoira, bastakor, rassom, teleboshlovchi, aktrisa va yozuvchi. 1960-yillarning o‘rtalarida moda modeli sifatida ish boshlagan va mashhur ispaniyalik rassom Salvador Dalining ilhom parisi bo‘lgan. 1970-yillarning o‘rtalaridan 80-yillarning boshlariga qadar Yevropa va Skandinaviyada disco yo‘nalishidagi hit qo‘shiqlari bilan millionlab muxlislar orttirgan. Lear butun dunyo bo‘ylab 15 million albom va 25 milliondan ortiq singl sotgan. 1980-yillarda Yevropaning eng mashhur teleboshlovchilaridan biriga aylangan. Bugungi kunda o‘z vaqtini musiqa, kino, yozuvchilik va rassomchilikka bag‘ishlab, Fransiya janubida istiqomat qiladi.