Ali Abbasi

Ali Abbasi (1981-yilda tug'ilgan) — eronlik, shved va daniyalik rejissyor. U "Shelley" (2016), "Border" (2018), "Holy Spider" (2022) va "The Apprentice" (2024) filmlari bilan tanilgan. Shuningdek, "The Last of Us" serialining birinchi mavsumidagi so'nggi ikki qismiga rejissyorlik qilgan. "Un Certain Regard", to'rtta "Robert" mukofoti va "Germaniya kino mukofoti" kabi nufuzli sovrinlar sohibi. Abbasi Tehrondagi politexnika institutida o'qigan, 2002-yilda esa arxitektura sohasida tahsil olish uchun Shvetsiyadagi KTH Qirollik texnologiya institutiga ko'chib o'tgan. 2007-yilda bakalavr darajasini olgach, Daniya milliy kino maktabiga kirib, 2011-yilda "M for Markus" qisqa metrajli filmi bilan uni tamomlagan.