Alexander Skarsgård

Alexander Johan Hjalmar Skarsgård (1976-yil 25-avgustda tugʻilgan) — shved aktyori. Stokgolmda tugʻilgan, u 7 yoshida aktyorlikni boshlagan, biroq 13 yoshida uni vaqtincha toʻxtatgan. Shvetsiya armiyasida xizmat qilgach, Skarsgård kino olamiga qaytdi va AQShning "Zoolander" komediyasida ilk rolini oʻynadi. 2008-yilda u "Generation Kill" mini-serialida dengiz piyodasi Brad Colbert rolini gavdalantirdi. Skarsgårdga haqiqiy olamshumul shuhratni "True Blood" (2008–2014) teleserialidagi vampir Eric Northman roli olib keldi. "Melancholia" (2011), "Battleship" (2012) va "The Legend of Tarzan" (2016) kabi filmlarda suratga tushgach, u "Big Little Lies" (2017–2019) drama serialida zoʻravon er rolini ijro etdi. Ushbu roli uchun u "Primetime Emmy", "Oltin globus", "Critics' Choice Television" va "Screen Actors Guild" mukofotlari bilan taqdirlangan. 2019–2022-yillarda u "Long Shot" (2019), "Godzilla vs. Kong" (2021), "Passing" (2021) hamda "The Northman" (2022) filmlarida ishtirok etdi, shuningdek, "The Stand" (2020–2021) mini-serialida Randall Flagg rolini oʻynadi.