Aleksandr Ustyugov

Aleksandr Ustyugov — rossiyalik aktyor, teatr va kino rejissyori hamda musiqachi. 1976-yil 17-oktabrda Qozog‘istonning Ekibastuz shahrida tug‘ilgan. Maktabdan so‘ng chilangar-elektrik kasbini egallab, «Vostochniy» ko‘mir konida ishlagan. Keyinchalik temiryo‘l injenerligi bo‘yicha o‘qishga kirgan. Omsk yoshlar teatrida yoritish ustasi bo‘lib ishlagan va o‘z faoliyatini Omsk madaniyat va san’at kollejida davom ettirgan. 1999-yilda Boris Shchukin nomidagi Teatr institutiga qabul qilingan. U yerda bitiruvchi talabalar bilan «A zori zdes tixie...» va «Etot bezumno vlyublennyy» pyesalarini sahnalashtirgan. 2003-2014-yillarda Rossiya akademik yoshlar teatrida faoliyat yuritgan. Kinodagi debyuti 2000-yilda «Marsh Turetskogo» serialida bo‘lgan. U keng jamoatchilikka «Mentovskie voyny» kriminal serialida Peterburg politsiyasi qidiruv bo‘limi boshlig‘i Roman Shilov roli bilan tanilgan. 2015-yilda «Ekibastuz» musiqiy guruhiga asos solgan. Aktyorlik va musiqadan tashqari sport, fotosurat, motokross bilan shug‘ullanadi, eski kalitlar, antikvar mebellar va qurollar kolleksiyasini yig‘adi.