Biografiya
Misrlik yozuvchi, romannavis, professional fotograf va ssenariynavis. U Oliy kino institutida oʻqigan va bakalavr darajasini kurs boʻyicha eng yuqori natija bilan tamomlagan. Uning bitiruv filmlari Yevropa festivalarida koʻplab mukofotlarga sazovor boʻlgan. Uning «Alhaúmon», «Va yettinchi kuni» hamda «Uch qogʻoz» kabi filmlari mavjud. Ijodiy faoliyatini 2007-yilda ilk romani — «Vertigo»ni nashr etishdan boshlagan. «Vertigo» Misr boʻylab tanqidchilar eʼtirofiga sazovor boʻlib, tijoriy muvaffaqiyat qozondi va ingliz, fransuz hamda italyan tillariga tarjima qilindi. 2012-yilda esa aktrisa Hend Sabri bosh rolni ijro etgan shu nomdagi teleserial ekran yuzini koʻrdi. Ahmed Mourad «Vertigo» romani uchun 2013-yilda badiiy adabiyot yoʻnalishida Oʻrta yer dengizi madaniyati mukofotiga sazovor boʻldi. Taqdirlash marosimi 2013-yil 4-oktabr kuni Italiyaning Sosenza shahridagi «Rendano» teatrida boʻlib oʻtdi. «Vertigo»ning muvaffaqiyatidan ilhomlangan Mourad 2010-yilda italyan tiliga tarjima qilingan va asosan ijobiy baholangan ikkinchi asari — «Olmos changi»ni nashr etdi. Keyinchalik, 2012-yilda uning eng mashhur va Misrda eng koʻp sotilgan asari — «Koʻk fil» romani dunyo yuzini koʻrdi. Ushbu roman 2012-yilgi Xalqaro Arab Booker mukofotiga nomzod boʻlgan. Kitob bir ovozdan ijobiy taqrizlarga sazovor boʻlib, «Yakubiyan uyi» filmi rejissyori Marvon Hamed tomonidan badiiy film sifatida ekranlashtirildi. Unda bosh qahramon va hikoyachi Yehia rolini Karim Abdel Aziz ijro etgan. Film 2014-yilda Ramazon oyi tugagach, 27-iyul kuni yarim t<bos>3da kinoteatrlarga chiqarildi.
