Şahin Irmak

Shahin Irmak 1981 yil 29 sentyabrda Turkiyaning Izmir shahrida tug‘ilgan. Aktyor va ssenariynavis «Entelköy Efeköy'e Karsi» (2011), «Dügüm Salonu» (2018) hamda «Sultan» (2012) kabi loyihalari bilan tanilgan. Uning karyerasidagi burilish nuqtasi «Karayılan» teleserialidagi Shiro roli bo‘lgan. Shundan so‘ng Kanal D telekanalining «Çok Güzel Hareketler Bunlar» ko‘ngilochar dasturida turli obrazlarni gavdalantirgan. 2011 yilda «Aşağı Yukarı Yemişlililer» seriali tarkibiga qo‘shilib, Sülo (Süleyman) rolini o‘ynagan. Kinosahnadagi ilk bosh rolini 2011 yilda «Entelköy Efeköy'e Karşı» filmida ijro etgan. 2012 yilda esa «Sultan» serialida bosh rolni egallagan. 2015 yil oktyabr oyida Istanbulning 19-suvdi tomonidan «giyohvand moddalarni iste'mol qilgani» uchun 10 oylik qamoq jazosiga hukm qilingan, biroq giyohvandlik tarmog‘ini «tashkil etish, boshqarish va unga a'zo bo‘lish» ayblovlaridan oqlandi. Sud qamoq muddati bir yildan kam bo‘lgani sababli jazoni ijro etishni ortga surdi. Keyinchalik Star TV telekanalining «Eğlendirme Dairesi» dasturida 5 ta qismda ishtirok etgan. 2016 yil yanvar oyida Show TV telekanalining «Geldim Gördüm Güldüm» komediya shousiga qo‘shildi. 2018–2020 yillar oralig‘ida «Jet Sosyete» sitkomida rol o‘ynagan.