Agnès Jaoui

Agnès Jaoui (1964-yil, 19-oktyabr) — fransiyalik aktrisa, ssenariynavis, rejissor va xonanda. Olti karra “César”, uch karra “Lumières” mukofoti sohibi hamda Kann kinofestivalida “Eng yaxshi ssenariy” mukofotiga sazovor boʻlgan. Antony shahrida tugʻilgan. 15 yoshida Cours Florent kursiga kirgan. 1987-yilda Patrice Chéreau’ning “Hôtel de France” filmida rol oʻynagan. Jean-Pierre Bacri bilan birgalikda “Cuisine et dépendances” pesasini yozgan. Alain Resnais bilan hamkorlikda suratga olingan “Smoking/No Smoking” filmi unga katta muvaffaqiyat keltirgan.