Aditya Dhar

Aditya Dhar (1983-yil, 12-mart) — hind kino sanoatida faoliyat yurituvchi rejissyor, ssenariynavis, prodyuser va qo'shiq muallifi. Uning rejissyorlik debyuti — 2019-yilda suratga olingan "Uri: The Surgical Strike" urush dramasi katta muvaffaqiyatga erishib, yilning eng ko'p daromad keltirgan to'rtinchi hind filmiga aylandi va Dharga "Eng yaxshi rejissyorlik" uchun Milliy kino mukofotini taqdim etdi. Keyinchalik u suratga olgan "Dhurandhar" josuslik trilleri diologiyasi ham katta tijoriy muvaffaqiyat qozonib, uni Hindiston kino olamida shuhrat cho'qqisiga olib chiqdi. Dhar filmlaridagi millatchilik mavzulari tanqidchilar tomonidan turlicha baholanib, ularni vatanparvarlik yoki haddan tashqari shovenizm sifatida tavsiflashadi.