Adan Jodorowsky

Adan Jodorowsky yoki Adanowsky (1979-yil oktyabrda Fransiyada tug‘ilgan) — aktyor va musiqachi. U chililik rejissyor Alejandro Jodorowsky va meksikalik Valerie Jodorowskyning o‘g‘li, Brontis Jodorowskyning ukasi. Hozirgacha beshta filmda suratga tushgan. 1989-yilda otasining Santa Sangre filmidagi yosh Fenix roli uchun «Saturn» mukofotiga loyiq ko‘rilgan. Olti yoshidan pianino chalishni boshlagan, yetti yoshida James Brown bilan tanishib, undan raqs saboqlarini olgan. Gitara chalishni esa ota-onasining do‘sti, The Beatles a’zosi George Harrissondan o‘rgangan. 16 yoshida The Hellboys pank-guruhiga qo‘shilgan, keyinchalik bas-gitara chalishga qiziqib qolgan. 2006-yil 30-oktyabrda «Adanowsky» nomi bilan birinchi yakkaxon albomi Étoile Éternelle hamda «L'idole» singlini taqdim etgan.