陈楚寰

Selangorda tugilib o'sgan Denise Camillia Tan — malayziyalik aktrisa. U 2012-yilda «Miss Astro Chinese International Pageant» tanlovida g'olib chiqib, «Eng yaxshi iste'dod» va «Fotogenik miss» unvonlarini qo'lga kiritgan. Shuningdek, Hongkongda bo'lib o'tgan «Miss Chinese International Pageant 2013» tanlovida ikkinchi o'rinni egallagan. Bolaligida faol va sportsevar bo'lgan Denise maktab yillarida skvosh o'ynagan hamda jang san'ati bilan shug'ullangan. Taekvondo klubi prezidenti sifatida ketma-ket besh yil davomida har haftasi maktabdan keyin mashg'ulotlarga qatnashib, aktrisa bo'lish xomxohini ro'yobga chiqarish sari dadil qadam tashlagan. Uning jangari film yulduzi bo'lish orzusi 2016-yilda Hongkongning 20 qismli «The Hiddens» nomli josuslik trillerida qotil rolini gavdalantirishi bilan haqiqatga aylandi. Shu yili u Mediacorp telekanalining «Legal Eagles» dramasida ham suratga tushdi. Televizion seriallardagi rollaridan tashqari, Denise turli ko'rsatuvlarni boshqarishda ham o'z qirralarini namoyon etgan. Jumladan, Dennis Yin bilan birga «Astro Battleground 2016» raqs realiti-shousini, «We Are An “Ordinary” Cooking Show» deb nomlangan qiziqarli oshpazlik dasturini olib borgan hamda «The Hiddens»dagi hamkasblari bilan birga Hongkong Turizm kengashi uchun yulduzlar ishtirokidagi sayohat ko'rsatuvida qatnashgan. Modaga alohida mehr qo'ygan Denise kollejda o'qib yurgan kezlarida dizayn va texnologiya yog'nalishini tanlagan. Shuningdek, uni Astro telekompaniyasi murabbiy sifatida yollagan.